Category: Breakup Diaries

Magsimulang muli

Natakot ako noon mag-simula muli,
iniisip ko kung kaya ko pa bang ngumiti.
Baka ganun talaga kapag sobrang nasaktan ka
Parang gumuho lahat tapos naiwan kang mag-isa.

Yung pakiramdam na siya yung umalis pero ikaw yung nawala.
Yung pag-gising mo bawat umaga lagi ka lang tulala.
Yung mag-hapon kang nakakulong sa kwarto’t nakahiga.
Yung mababalot ng lungkot yung buo mong pagka-tao at maiiyak na lang bigla.

Pero nakakapagod din pala na puro lungkot na lang yung nadadama
Kaya isang araw sabi ko, “teka parang hindi na ito tama”
Ilang buwan yung sinayang ko at napunta lang sa wala.
Sasayangin ko na naman ba?

Unti-unti akong bumangon at pinulot isa-isa
bawat piraso ng puso kong iniwan niya nalang basta
Hindi naman mahalaga kung gaano katagal inabot
ang mahalaga alam kong itong puso ko ganoon pa din kalambot

Kaya naman muli kong binuksan ang aking puso,
alam kong dadating yung panahong mag-mamahal ulit ito.
Ang tanging ipinagdadasal ko,
sana doon na sa tamang tao.

Sa bawat pag-lipas ng mga oras at sandali
Doon ko naisip, wala naman palang mawawala kung magsisimula muli
Totoo na tuloy ang pag-ikot ng mundo
at hindi ito hihinto dahil lang sa iisang tao.

Facebooktwittergoogle_pluspinterestlinkedinmailby feather

Lies My EX Told Me

This is a shout out to my ex. Joke lang. HAHA. I am not sure if this will get to him, but if in case it does, just know that I’m not writing this to make him look bad or for people to hate him. This is about me knowing all these times that he was lying but kept telling myself that he wouldn’t do such things. (But I was effin’ wrong)

  1. “Hindi na kita mahal” – I felt my heart break into pieces when I heard this. This can probably be true, but a part of me was hoping it was all a lie. How can someone you’ve spent so many years with just tell you they no longer love you? Like you weren’t a big part of their life. Like it was that easy to just walk right in and out of your life.
  2. “I did not cheat on you” – When you caught someone talking to their ex, admitting they miss them, telling they still see them differently and not just a friend or barkada, isn’t that cheating? When they’re deleting the conversation so you wouldn’t find out what other things they talked about, isn’t that cheating? A few years back, I’ve caught him multiple times talking to exes and to different girls but all I get was “I was just being friendly”. There’s a fucking thin line between being friendly and flirty.
  3. “Walang third party” – So ayun na nga, still in connection with #3, I hated it back then that he was still in touch with an ex, because I already knew he has tendencies of getting back with an ex. He kept telling me that we’re breaking up because he no longer loves me and there’s no third party. HAHAHA. Sobrang funny nito, Bes! Alam mo yung kahit mag-hihiwalay na kayo, imbis maiyak ka e matatawa ka. Sobrang bullshit kasi. (more…)
Facebooktwittergoogle_pluspinterestlinkedinmailby feather

Kamusta ka na?

Akala ko noon pinakamahirap sagutin yung tanong na “Bakit?”
Wala nga daw sagot sa tanong kung bakit ka mahalaga ‘di ba?
Pero hindi pala, mas mahirap pala sagutin yung “Kamusta ka na?”
Paano mo naman kasi sasagutin kung hindi mo alam sa sarili mo kung kamusta ka?

“Kamusta ka na?” kasabay ng mga salitang ito yung pagtulo ng luha ko.
Kanan, kaliwa, parang nag-uunahan ang mga luha sa pagbagsak sa mga mata ko.
Literal kong nararamdaman na kumikirot yung puso ko.
Na parang ang sarap hilingin na sa pagtibok, ito’y biglang huminto.

“Kamusta ka na? Okay ka lang ba?”, ano nga bang tamang isagot dun?
Minsan kong sinabing “Hindi pa din ako okay, masakit padin”, basta ganun.
Pero imbis pag-intindi, parang pang-aasar pa yung narinig ko.
“Anu ba yan, hanggang ngayon? Move on na, parang ang bitter mo.”

Ang akala ata ng karamihan, porket nakahanap siya agad ng kapalit ko, ganun din dapat yung gawin ko.
Bakit daw kasi binigay ko yung lahat sa iisang tao at hindi ako nagtira sa sarili ko.
Kapag ba nagmahal ka, lilimitahan mo yung sarili mo dahil iisipin mong maghihiwalay din naman kasi kayo?
Sino bang mag-aakala na sa paglipas ng ilang taon, hindi pala sapat lahat ng binigay mo para manatiling kayo.

“Kamusta ka? Anong pinagkakaabalahan mo?”
“Ako? Eto, nood ng tv series, nag-gigitara tapos umiiyak kapag bored ako.”
Ewan ko ba kung anong meron at may mga bagay na kaya ko padin gawing biro.
Pero seryoso, may mga oras na umiiyak lang talaga ako.

“Anak, kamusta ka na? How was your day”, gabi-gabing tanong ni Papa pagka-uwi ko.
“Okay lang, madaming ginawa” o kaya “Okay lang.” ganun lang yung usual na sagot ko.
Pero naalala ko yung panahong sobrang bigat ng pakiramdam ko, kaya umiyak nalang ako.
Siguro sapat na yung mga luha para masagot yung tanong kung kamusta ako.

Gumising, umiyak, magtrabaho, umiyak, matulog, umiyak, ganyan yung naging buhay ko.
Ngumiti kahit napipilitan, umastang normal ang lahat, sa bawat araw ganun ung ginawa ko.
Dumating sa puntong nagmakaawa ako sa Diyos na sana tumigil na yung sakit na nararamdaman ko.
Alam ko medyo matagal ang inabot, hindi ko naman kasi minamadali yung proseso.
Sinabi ko naman sa sarili ko, kahit gaano pa kasakit ito, lahat kakayanin ko.
Pagdadaanan ko lang at hindi tatambayan yung problemang dinulot mo.

Kaya ngayon kamustahin mo ako.
Kapag sinabi kong okay na ako, maniwala ka kasi yun yung totoo.
Dahil hindi ko magagawang isulat ito kung hanggang ngayon, wasak parin ako.

Facebooktwittergoogle_pluspinterestlinkedinmailby feather